صوبے کا سب سے بڑا پبلک ٹرانسپورٹ منصوبہ پشاور کے شہریوں کو جدید، سستی اور تیز رفتار سفر کی سہولت فراہم کررہا ہے۔بی آر ٹی پشاور کے ادارے ٹرانس پشاور نے بین الاقوامی معیار کی تعمیل کرتے ہوئے آئی ایس او 9001:2015 سرٹیفیکیشن حاصل کرلی ہے جو کہ ادارے کی خدمات کے اعلیٰ معیار، مؤثر انتظامی نظام اور مسلسل بہتری کے عزم کا مظہر ہے۔ یہ سرٹیفیکیشن اس بات کی تصدیق ہے کہ ٹرانس پشاور نے اپنے آپریشنز، کسٹمر سروس، اور انتظامی امور میں عالمی معیار کو برقرار رکھا ہوا ہے . آئی ایس او 9001:2015 معیار کو دنیا بھر میں کوالٹی مینجمنٹ سسٹمز کے لیے ایک مستند پیمانہ سمجھا جاتا ہے۔حکومت خیبرپختونخوا عوام کو جدید تقاضوں کے مطابق معیاری اور سستی سفری سہولیات فراہم کرنے کے لیے پرعزم ہے۔
