صوبائی وزیر ہاؤسنگ کو چیئرمین کابینہ کمیٹی برائے امن و امان پنجاب بلال یاسین نے محکمہ داخلہ میں اہم اجلاس کی صدارت کی۔ صوبائی وزیر نے پنجاب کے تمام اضلاع میں مجموعی امن و امان کی صورتحال اور افغان پناہ گزینوں کے انخلاء کا تفصیلی جائزہ لیا۔ علاؤہ ازیں پی ایس ایل کے دوران فول پروف سکیورٹی اور ٹریفک روانی بارے انتظامات کا بھی جائزہ لیا گیا۔ خطے کی موجودہ صورتحال کے پیش نظر حساس مقامات، عبادت گاہوں اور عوامی مقامات کی سکیورٹی مزید سخت کرنے کا فیصلہ کیا گیا۔ صوبائی وزیر بلال یاسین کا کہنا تھا کہ عیدالاضحیٰ سے قبل کالعدم تنظیموں کی فہرست کی تمام اضلاع میں مکمل تشہیر یقینی بنائی جائے۔ محکمہ داخلہ کے جاری کردہ ایس او پیز پر عملدرآمد بنانے کیلئے تمام محکمے مشترکہ حکمت عملی اپنائی جائے۔صوبائی وزیر نے ضلعی انتظامیہ اور قانون نافذ کرنے والے اداروں کی کارکردگی پر اطمینان کا اظہار کیا۔ تمام اضلاع کے ڈپٹی کمشنرز نے بذریعہ ویڈیو لنک اجلاس میں شرکت کی۔
عیدالاضحیٰ سے قبل کالعدم تنظیموں کی فہرست کی تمام اضلاع میں مکمل تشہیر یقینی بنائی جائے،وزیر ہاؤسنگ بلال یاسین
