سیلز ٹیکس رجسٹریشن اور ٹیکس ادائیگی نہ کرنے والوں کے خلاف پی آر اے کا سخت ایکشن۔۔تفصیلات کے مطابق انفورسمنٹ افسران نے مختلف شہروں میں کارروائیاں کرتے ہوئے متعدد پوائنٹس کو بھاری جرمانے عائد اور نوٹسز جاری کیے۔ رجسٹریشن ،ریکارڈ کی عدم فراہمی اور جعلی انوائسز پر کارروائیاں عمل میں لائی گئیں۔ علاؤہ ازیں متعدد نادہندگان کو فوری ٹیکس ادائیگی اور رجسٹریشن مکمل کرنے کیلئے نوٹسز جاری کیے گئے۔ چیئرمین پی آر اے معظم اقبال سپرا نے صوبہ بھر میں انفورسمنٹ آپریشنز کو مزید تیز کرنے اور بلا امتیاز کارروائی جاری رکھنے کی ہدایت کردی۔ صوبے میں ٹیکس نیٹ بڑھانے کیلئے مختلف سیکٹرز کی مسلسل مانیٹرنگ اور ڈیٹا ویریفکیشن بھی کی جارہی ہے۔ ترجمان نے عوام سے گزارش کی ہے کہ پکی رسید نہ دینے والے فوڈ پوائنٹس یا سروسز سیکٹر کیخلاف آن لائن شکایات کا اندراج کروائیں۔
*سیلز ٹیکس رجسٹریشن اور ٹیکس ادائیگی نہ کرنے والوں کے خلاف پی آر اے کا سخت ایکشن۔۔*
