ایم او انفرا میٹروپولیٹن کارپوریشن لاہور ندیم عباس باجوہ کو او ایس ڈی بنا دیا گیا،عثمان جاوید کو اضافی چارج تفویض

محکمہ بلدیات پنجاب نے میٹروپولیٹن آفیسر انفرا بلدیہ عظمٰی لاہور ندیم عباس باجوہ کو او ایس ڈی بنا دیا ہے انھیں فوری طور لوکل گورنمنٹ بورڈ رپورٹ کرنے کی ہدایت کی گئی ہے۔زونل آفیسر انفراسٹرکچر نشتر زون عثمان جاوید کو ایم او انفرا ایم سی ایل کا اضافی چارج سونپ دیا گیا ہے۔سیکرٹری لوکل گورنمنٹ شکیل احمد میاں کی جانب سے نوٹیفکیشن جاری کر دیا گیا ہے۔واضع رہے کہ بلدیہ عظمٰی لاہور میں اس وقت پنجاب حکومت کا بڑا منصوبہ لاہور ڈویلپمنٹ پروگرام چل رہا ہے جس کا فیز ون مکمل اور فیز ٹو چل رہا ہے اس اہم منصوبے کے دوران شعبہ انفراسٹرکچر کی تبدیلی کو اہم قرار دیا جا رہا ہے۔ایم سی ایل میں اس وقت انتظامی عہدوں پر جن افسران کی اجارہ داری ہے ان میں سے کسی کا تعلق لوکل گورنمنٹ سروس سے نہیں ہے۔