وزیراعلی پنجاب مریم نوازشریف کی ہدایت پر وزیراعلیٰ پنجاب شکایات سیل کی ٹیم بہاولپور پہنچ گئی، عوامی مسائل کے حل کیلئے کھلی کچہری کا انعقادکیا گیا-چیئرپرسن وزیراعلیٰ شکایات سیل صائمہ فاروق نے شہریوں کی شکایات سن کر فوری احکامات جاری کیے- کھلی کچہری میں محکمہ مال، پولیس، صحت، تعلیم، صفائی اور سیوریج سے متعلق شکایات موصول ہوئیں -چیئرپرسن وزیراعلیٰ شکایات سیل صائمہ فاروق نے کہاکہ وزیراعلیٰ مریم نواز شریف کے ویژن کے مطابق عوام کو فوری ریلیف فراہم کر رہے ہیں –
درخواستوں پر مسلسل فالو اپ لیا جائے گا، مسئلہ حل ہونے تک چین سے نہیں بیٹھیں گے- کھلی کچہریاں عوامی مسائل کے فوری حل کا مؤثر ذریعہ ہیں – گھوٹوی ہال عباسیہ کیمپس اسلامیہ یونیورسٹی بہاولپور میں وزیراعلیٰ پنجاب شکایات سیل کی کھلی کچہری کا انعقاد کیاگیا-وزیراعلیٰ پنجاب شکایات سیل کو 328 درخواستیں موصول ہوئیں، 90 سے زائد درخواستیں محکمہ ریونیو جبکہ 250 درخواستیں دیگر محکموں سے متعلق ہیں – کمشنر، ڈپٹی کمشنر، ڈی پی او اور تمام متعلقہ افسران کھلی کچہری میں شریک ہوئے-موصول ہونے والی تمام درخواستوں پر فوری کارروائی کے احکامات جاری کئے گئے- چیئرپرسن وزیراعلیٰ شکایات سیل صائمہ فاروق نے کہاکہ عوامی شکایات کے حل میں غفلت برداشت نہیں کی جائے گی-جائز شکایات کو نظر انداز نہیں کیا جائے گا-درخواستوں کی باقاعدہ مانیٹرنگ سے شہریوں کو حقیقی ریلیف ملے گا-کمشنر بہاولپور عرفان علی کاٹھیا نے کہاکہ عوامی درخواستوں پر شفاف انداز میں کارروائی عمل میں لائی جائے گی- ڈپٹی کمشنر سید حسن رضا نے کہاکہ کھلی کچہری میں موصول شکایات کے حل کیلئے افسران کو ٹائم لائن دے دی گئی-وزیراعلیٰ شکایات سیل کی کھلی کچہری، شہریوں کے مسائل کے فوری حل کیلئے عملی اقدامات کیے گئے-
وزیراعلیٰ پنجاب شکایات سیل کی ٹیم بہاولپور پہنچ گئی،عوامی مسائل کے حل کیلئے کھلی کچہری
