ڈی جی ایل ڈی اے طاہر فاروق نے ایل ڈی اے کے زیرِ تعمیر ڈیجیٹل مانیٹرنگ یونٹ کا دورہ کیا۔چیف آئی ٹی آفیسر عبد الباسط نے ڈیجیٹل مانیٹرنگ یونٹ میں سافٹ وئیر و دیگر اصلاحات بارے بریفنگ دی۔
ایل ڈی اے ٹاؤن پلاننگ ونگ نے 9 ہزار سے زائد غیر قانونی کمرشل املاک کی میپنگ مکمل کی ہے۔ ڈیجیٹل مانیٹرنگ یونٹ میں ایل ڈی اے کے تمام سافٹ ویئرز کو انٹیگریٹ کیا جائے گا۔ڈی جی ایل ڈی اے طاہرفاروق نے اس موقع پر گفتگو کرتے ہوئے کہا کہ ایل ڈی اے میں آئی ٹی بیسڈ ریفارمز کا سلسلہ تیزی سے جاری ہے۔ بلڈنگ پلان کے بعد کمپلیشن سرٹیفکیٹ، کمرشلائزیشن، املگیمیشن سمیت دیگر سروسز کو بھی جلد آن لائن کیا جائے گا۔ ایل ڈی اے ٹاؤن پلاننگ ونگ سے متعلقہ تمام سروسز جلد آن لائن کی جائیں گی۔ ایل ڈی اے ڈیجیٹل مانیٹرنگ یونٹ کو جلد آپریشنل کیا جائے گا۔ڈیجیٹل مانیٹرنگ یونٹ کے قیام سے ٹاؤن پلاننگ، ہاؤسنگ اور سی ایم پی ونگ کی سنٹرل مانیٹرنگ کی جا سکے گی۔ایل ڈی اے کنٹرولڈ ایریا میں کمرشل شاہراہوں اور ان پر موجود املاک کی بھی آن لائن پروفائلنگ کی جائے گی۔ ڈی جی ایل ڈی اے طاہر فاروق نے ڈیجیٹل مانیٹرنگ یونٹ سے متعلقہ سافٹ وئیر جلد مکمل کرنے کی ہدایت کی۔اس موقع پر چیف آئی ٹی آفیسر، چیف ٹاؤن پلانرز، ڈائریکٹر ڈی جی ہیڈکوارٹر، ڈائریکٹر سیٹیزن فیسلٹیشن سنٹر، ڈائریکٹر سی اینڈ آئی اور دیگر افسران موجود تھے۔
