پاکستان پیپلزپارٹی کے چیئرمین بلاول بھٹو زرداری کی سربراہی میں لیاری ٹرانسفورمیشن پراجیکٹ کے حوالے سے اہم اجلاس منعقد ہوا ۔ چیئرمین بلاول بھٹو زرداری کو نیسپاک نے لیاری کی ازسرنو بحالی کے حوالے سے اپنی سروے رپورٹ پیش کی۔لیاری میں سیوریج اور واٹر سپلائی کے نظام کو ازسر نو تعمیر کرنا ہوگا، چیئرمین بلاول بھٹو زرداری کو بریفنگ میں بتایا گیا۔
چیئرمین بلاول بھٹو زرداری کو نیسپاک نے لیاری میں روڈ انفراسٹرکچر اور کچرا اٹھانے کے نظام کے حوالے سے بھی سروے رپورٹ پیش کی۔ چیئرمین بلاول بھٹو زرداری کے ہمراہ اجلاس میں سندھ کے وزیر بلدیات سعید غنی، جمیل سومرو، جاوید ناگوری اور جنید جیدی موجود تھے۔ چیئرمین بلاول بھٹو زرداری نے کہا کہ کسی بھی قسم کی ترقیاتی منصوبہ بندی کے موقع پر مستقبل کی بڑھتی آبادی کی ضرورتوں کو بھی ذہن میں رکھا جائے۔ لیاری کو مکمل طور پر سولرائز کیا جائے۔لیاری کے اندرونی علاقوں میں بھی پیپلزبس سروس چلائی جائے۔اجلاس میں چیف سیکریٹری سندھ سید آصف حیدر شاہ، لیاری ٹرانسفورمیشن اتھارٹی کے پراجیکٹ ڈائریکٹر فہیم چاچڑ اور میونسپل کمشنر حماد این ڈی خان شریک تھے۔ اجلاس میں نیسپاک کے جنرل منیجر منور عباس ۔ ریحان ضامن اور علی شیر شاہ کے ہمراہ اجلاس میں موجود تھے۔
