ڈپٹی میئر کراچی سلمان عبداللہ مراد نے کہا ہے کہ 9 مئی کو شہر بھر میں معرکہ حق آپریشن”بنیان مرصوص“کی کامیابی کے حوالے سے خصوصی جشن اور تقریبات کا انعقاد کیا جائے گا، انہوں نے کہا کہ یہ دن قومی اتحاد، جرأت، قربانی اور ملکی سالمیت کے تحفظ کی علامت کے طور پر یاد رکھا جائے گا،اپنے بیان میں ڈپٹی میئر کراچی سلمان عبداللہ مراد نے کہا کہ”بنیان مرصوص“آپریشن کی کامیابی نے قوم کے حوصلے بلند کیے ہیں اور پاکستان کے امن، استحکااور وقار کو مزید مضبوط بنایا ہے، انہوں نے کہا کہ پوری قوم کو اپنی بہادر مسلح افواج پر فخر ہے جنہوں نے غیرمعمولی جرأت اور استقامت کا مظاہرہ کیا، ڈپٹی میئر کراچی سلمان عبداللہ مراد کا کہنا تھا کہ پاکستان کے عوام اور قومی ادارے دشمن قوتوں کے خلاف متحد اور یکجا ہیں جبکہ ملک دشمن عناصر کے مذموم عزائم کو ہمیشہ قومی اتحاد اور اجتماعی قوت سے ناکام بنایا جاتا رہے گا،انہوں نے کہا کہ پاکستان پیپلز پارٹی ہر دور میں قومی سلامتی، جمہوری اقدار اور عوامی ہم آہنگی کے ساتھ کھڑی رہی ہے اور آئندہ بھی ملک کی ترقی اور استحکام کے لیے اپنا کردار ادا کرتی رہے گی،ڈپٹی میئر کراچی نے نوجوانوں سمیت تمام شہریوں سے اپیل کی کہ وہ 9 مئی کی تقریبات میں بھرپور شرکت کرکے قومی یکجہتی اور حب الوطنی کا مظاہرہ کریں، انہوں نے اس موقع پر شہداء، غازیوں اور ملک کے امن کے لیے قربانیاں دینے والوں کو خراجِ عقیدت بھی پیش کیا،انہوں نے کہا کہ یہ کامیابی صرف ایک عسکری کارروائی کی کامیابی نہیں بلکہ پاکستان کے متحد، مضبوط اور پرُعزم ہونے کا واضح ثبوت ہے۔
ڈپٹی میئر کراچی سلمان عبداللہ مراد کا 9 مئی کو ”بنیان مرصوص“آپریشن کی کامیابی پر عظیم جشن منانے کا اعلان
