عید الاضحی کے تیسرا روز بھی جامع صفائی مشن جاری ہے۔ کمشنر لاہور ڈویژن مریم خان نے کہا ہے کہ ابتک پوری لاہور ڈویژن سے تقریبا 52ہزار ٹن آلائشیں اٹھا کر شہروں کو صاف کردیا گیا ہے۔ انہوں نے کہا کہ گزشتہ 58گھنٹوں میں لاہور سے 37 ہزار ٹن آلائشیں اٹھاکر ڈمپنگ سائٹس پر پہنچا دی گئی ہیں جبکہ ابتک ننکانہ، شیخوپورہ اور قصور سے 15 ہزار ٹن آلائشیں اٹھائی گئی ہیں۔ کمشنر لاہور نے کہا کہ آج لاہور اور دیگر اضلاع میں کلین سویپ صفائی آپریشن جاری ہے، گلی محلوں اور سڑکوں کی صفائی کے بعد عرق گلاب سے دھویا جارہا ہے، جامع واشنگ آپریشنز شروع ہے، تعفن و بو خاتمے کیلئے عرق گلاب کا چھڑکاو جاری ہے۔ کمشنر لاہور نے کہا کہ لاہور سمیت تمام اضلاع میں صفائی و واشنگ آپریشنز پر کوئی کمپرومائز نہیں۔ عید کے پہلے دو دن صفائی آپریشنز ورکرز کی محنت اور شہریوں کے تعاون سے بہترین رہے ہیں.
لاہور ڈویژن سے تقریبا 52ہزار ٹن آلائشیں اٹھا کر شہروں کو صاف کردیا گیا ہے،کمشنر لاہور مریم خان
